فاكر
أول يوم فتحت النت من 15 سنة تقريباً دخلنا انا وواحد صاحبى سيبر وصاحبى
فتح برنامج انتر نت اكسبلور ووقف مش عارف يكمل وقاعدين نتناقش هو يقولى
بنكتب اسم الموقع فى البرنامج فوق بس وخلاص وأنا أقوله موقع زى ايه يقولى
معرفش ويعقد يكتب أى حاجة فى الموقع فوق زى ما بيقول ويستنى شوية على أساس
ان الموقع هيفتح وهو أساساً مضغطتش انتر الموضوع دا اتكرر مرتين تلاته
وبعدين لما يأسنا ندهنا الراجل بتاع
السيبر وسألناه عن اسم موقع قالنا (6Rb) موقع أغانى طبعا مش هأقول قعدنا قد
ايه على ما ركبنا www ودوت كوم والدوت على لوحة المفاتيح فين وحاجات شبه
كدا وفى الأخر بعد عناء ومشقة فتح الموقع وسمعنا أغنية ومشينا عشان الوقت
يتاعنا ع الجهاز كان خلص أظن يومها كنا واخدين ساعة ب جنية ونص دا غير اننا
كنا قاعدين احنا الاتنين على جهاز واحد ومستوكنيصين أخر كنيصة.
ليست هناك تعليقات:
إرسال تعليق