الفول محصول فرعونى

أول واحد زرعه كان مينا أساساً كان زارع غله ومكنش فى جمجمته يزرع فول بس كان قدام بيته فدان فاضى قامت ايزيس مراته قالتله متزرعلنا الفدان داهو فول يامينا ياخويا اهو ناكل منه والفراخ تنقى فيه قام حورس قال أه يابوى ازرعلنا فول قام مينا قال والله عندك حق يا أم حورس وزرع الفدان فول ولما كبر الفول العصفر أكله فمينا زعل وطلق ايزيس واتجوز سوزى عشان تربى حورس وبطل من يومها يزرع فول والناس اللى جات بعده عرفت حكاية فدان الفول بتاع مينا وكيف صار الأمر بايزيس ولما حورس كبر كان بيحكيلهم فبقوا بيزرعوا الفول من يومها وهكذا نستنتج من الحوار ان الفول محصول فرعونى أصيل